ພະແນກການເງິນແຂວງ ຈັດພິທີຮັບໃບຢັ້ງຢືນໜ່ວຍພັກ ປອດໃສ ເຂັ້ມແຂງ ໜັກແໜ້ນປະຈໍາປີ 2022

ລາຍລະອຽດ

ສ້າງຂື້ນເມື່ອ ວັນອັງຄານ, 09 ພຶດສະພາ 2023 02:37

ຂຽນໂດຍ ptcps

     ໃນຕອນບ່າຍຂອງວັນທີ 30 ມີນາ 2023, ທີ່ຫອ້ງປະຊຸມຂອງພະແນກການເງິນ ແຂວງຈຳປາສັກ ໄດ້ຈັດພິທີຮັບໃບຢັ້ງຢືນໜ່ວຍພັກປອດໃສເຂັ້ມແຂງໜັກແໜ້ນ ປະຈຳປີ 2022.

    ໂດຍພາຍໃຕ້ການໃຫ້ກຽດເປັນປະທານຂອງ ສະຫາຍ ປອ ສຸປານີ ສີລິປຸນໂຍ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ ໂດຍການເຂົ້າຮ່ວມຂອງ ສະຫາຍ ປອ ສຸກກະເສີມ ສີຫານຸວົງ ກຳມະການພັກແຂວງ ຫົວໜ້າພະແນກການເງີນແຂວງ, ສະຫາຍ ພອນໄຊ ເກດມາລາ ຮອງຄະນະຈັດຕັ້ງແຂວງ ກຳມະການປະເມີນຂັ້ນແຂວງ ພ້ອມດ້ວຍຫົວໜ້າຂະແໜງ-ຮອງຂະແໜງ ສະມາຊິກພັກພະນັກງານທີ່ຂື້ນກັບ 5 ໜ່ວຍພັກ ຈຳນວນພົນທັງໝົດ 38 ສະຫາຍ, ຍິງ 12 ສະຫາຍ;  

     ຈາກນັ້ນ ສະຫາຍ ປອ ສຸກກະເສີມ ສີຫານຸວົງ ໄດ້ຂຶ້ນຜ່ານບົດສະຫຼຸບໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2022, ສະຫາຍ ພອນໄຊ ເກດມາລາ ກໍ່ໄດ້ຂຶ້ນຜ່ານມະຕິຕົກລົງ ວ່າດວ້ຍການຮັບໃບຢັ້ງຢືນ ໜ່ວຍພັກປອດໃສ, ເຂັ້ມແຂງ, ໜັກແໜ້ນ ຂອງ 5 ໜ່ວຍພັກ ທີ່ຂຶ້ນກັບພະແນກການເງິນແຂວງ ເຊິ່ງປະທານ ກໍ່ໄດ້ມອບໃບຢັ້ງຢືນໃຫ້ 5 ໜ່ວຍພັກ ພ້ອມທັງໂອ້ລົມ ແລະ ເນັ້ນໃຫ້ຄະນະພັກໄດ້ເອົາໃຈໃສ່ປັບປຸງແບບແຜນນຳພາ ແລະ ວິທີເຮັດວຽກເປັນໝູູ່ຄະນະ, ມີການແບ່ງວຽກ, ແບ່ງຄວາມຮັບຜິດຊອບໃນຄະນະ, ມີການສະຫຼຸບປະເມີນຜົນ ສອ່ງແສງລາຍງານ ຖອດຖອນບົດຮຽນ ແລະ ຂໍທິດຊີ້ນຳຈາກຄະນະພັກຂັ້ນເທິງເປັນປົກກະຕິ ມີການປະສານສົມທົບ ແລະ ເປັນເອກະພາບລະຫວ່າງການນຳພາຂອງພັກ ແລະ ການບໍລິຫານລັດພ້ອມດຽວກັນນັ້ນກໍ່ໄດ້ເສີມຂະຫຍາຍພາລະບົດບາດຂອງອົງການຈັດຕັ້ງມະຫາຊົນໃຫ້ໄດ້ເຄື່ອນໄຫວປະຕິບັດໜ້າທີ່ຂອງຕົນຢ່າງແຂງແຮງ ແລະ ເປັນປົກກະຕິ.

• < ຕໍ່ໄປ
• ຕໍ່ໄປ >