ເມືອງສຸຂຸມາ ຈັດພິທີປາຖະກະຖາເລົ່າມູນເຊື້ອ 3 ວັນປະຫັວດສາດສຳຄັນ ຂອງພັກ - ຂອງຊາດ ແລະ ສາກົນ

ລາຍລະອຽດ

ສ້າງຂື້ນເມື່ອ ວັນພະຫັດ, 20 ຕຸລາ 2022 02:49

ຂຽນໂດຍ adminchanpasak

ເມືອງສຸຂຸມາ ຈັດພິທີປາຖະກະຖາເລົ່າມູນເຊື້ອ 3 ວັນປະຫັວດສາດສຳຄັນ ຂອງພັກ - ຂອງຊາດ ແລະ ສາກົນ

        ໃນຕອນເຊົ້າ ວັນທີ 19 ຕຸລາ 2022 ນີ້, ເມືອງສຸຂຸມາ ໄດ້ຈັດພິທີປາຖະກະຖາເລົ່າມູນເຊື້ອ 3 ວັນປະຫັວດສາດສຳຄັນ ຂອງພັກ - ຂອງຊາດ ແລະ ສາກົນກໍ່ຄື: ວັນສ້າງຕັ້ງການທູດລາວ (12.10.1945 - 12.10. 2022) ຄົບຮອບ 77 ປີ, ວັນປະກາດເອກະລາດ (12.10.1945-12.10.2022 )  ຄົບຮອບ 77 ປີ , ເອກະສານ ລະນຶກວັນສາກົນ ແລະ ສັບປະດາແຫ່ງຊາດ  ເພື່ອລຶບລ້າງຄວາມທຸກຍາກ ຂອງ ສປປ ລາວ  ( 17.10.1987  ແລະ  17-24.10.2003 ຫາ 2022 ) ຄົບຮອບ 35 ປີ ແລະ ຄົບຮອບ 19 ປີ,  ຢູ່ທີ່ສະໂມສອນຂອງເມືອງ; ໂດຍການໃຫ້ກຽດເປັນປະທານ ຂອງສະຫາຍ ສົມເພັດ ບຸດສະດີ ກຳມະການພັກແຂວງ ເລຂາຄະນະບໍລິຫານງານພັກເມືອງ, ເຈົ້າເມືອງໆສຸຂຸມາ.

      ພິທີດັ່ງກ່າວ ຈັດຂຶ້ນໂດຍຄວາມເປັນເຈົ້າການຂອງຄະນະໂຄສະນາອົບຮົມເມືອງ ; ເຊິ່ງໃຫ້ກຽດໃນການເຂົ້າຮ່ວມຮັບຟັງການປາຖະກະຖາຄັ້ງນີ້: ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າ-ຮອງຫ້ອງການ, ເລຂາຄະນະພັກຮາກຖານ 6 ກຸ່ມບ້ານ, ກຳລັງ ປກສ-ປກຊ, ພະນັກງານ-ລັດຖະກອນ ອ້ອມຂ້າງເມືອງ, ເລຂາພັກບ້ານໃຫ່ຍ 4 ບ້ານ ເຊິ່ງມີຈຳນວນພົນ 137 ສະຫາຍ, ຍິງ 25 ສະຫາຍ.

        ການປາຖະກະຖາຄັ້ງນີ້ ເພື່ອສະແດງໃຫ້ເຫັນເຖິງຜົນງານ ແລະ ການຕໍ່ສູ້ກູ້ຊາດອັນພິລະອາດຫານ ທີ່ເຕັມໄປດ້ວຍການເສຍສະຫຼະຂອງກອງທັບ ແລະ ປະຊາຊົນລາວ ຕ້ານການຮຸກຮານຂອງພວັກລ່າເມືອງຂຶ້ນແບບເກົ່າ; ເພືອເປັນການປຸກລະດົມປວງຊົນລາວທັງຊາດ ເວົ້າລວມ, ເວົ້າສະເພາະ ພາຍໃນເມືອງ ໃຫ້ສືບຕໍໍ່ປະກອບສ່ວນເຂົ້າໃນພາລະກິດລຶບລ້າງຄວາມທຸກຍາກ ແລະ ໄພອຶດຫິວ ຢູ່ ສປປ ລາວ ໃຫ້ສໍາເລັດຕາມຄາດໝາຍທີ່ພັກ-ລັດວາງໄວ້.

• < ຕໍ່ໄປ
• ຕໍ່ໄປ >