ຄະນະໂຄສະນາອົບຮົມເມືອງຈໍາປາສັກ ຈັດພິທີປາຖະກະຖາ 4 ວັນປະຫວັດສາດ

ລາຍລະອຽດ

ສ້າງຂື້ນເມື່ອ ວັນອັງຄານ, 16 ສິງຫາ 2022 06:48

ຂຽນໂດຍ adminchanpasak

  ຄະນະໂຄສະນາອົບຮົມເມືອງຈໍາປາສັກ ຈັດພິທີປາຖະກະຖາ 4 ວັນປະຫວັດສາດ

  ເຊົ້າຂອງວັນທີ 16 ສິງຫາ 2022 ທີ່ສະໂມສອນຂອງເມືອງຈຳປາສັກ, ຄະນະໂຄສະນາອົບຮົມເມືອງຈໍາປາສັກ ຈັດພິທີປາຖະກະຖາ 4 ວັນປະຫວັດສາດ ຂອງຊາດ ຂອງພັກ; ພາຍໃຕ້ການໃຫ້ກຽດເປັນ ປະທານ ທ່ານ ສະຫວາດ ແກ້ວບັນດິດ ກຳມະການພັກແຂວງ, ເລຂາພັກເມືອງ, ເຈົ້າເມືອງໆຈຳປາສັກ.

     ໂດຍມີບັນດາທ່ານໃນຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ຮອງຫ້ອງການ, ອພສ ເມືອງ ພ້ອມດ້ວຍຄະນະ, ພະນັກງານອາວຸໂສບໍານານ, 2 ກຳລັງປະກອບອາວຸດ ປກຊ-ປກສ, ພະນັກງານລັດຖະກອນຫ້ອງການອ້ອມຂ້າງເມືອງ, ເລຂາພັກບ້ານ ໃນທົ່ວເມືອງ ເຂົ້າຮ່ວມຢ່າງພ້ອມພຽງ ເຊິ່ງມີຈຳນວນພົນທັງໝົດ 176 ທ່ານ ຍິງ 65 ທ່ານ, ໃນນັ້ນ ສະມາຊິກພັກ 99 ສະຫາຍ ຍິງ 37 ສະຫາຍ, ພະສົງ 7 ອົງ.

    ເອກະສານທີ່ນໍາມາເຜີຍແຜ່ໃນຄັ້ງນີ້ ປະກອບມີ: ເອກະສານວັນຢຶດອຳນາດທົ່ວປະເທດ ຄົບຮອບ 77 ປີ (23/08/1945 - 23/08/2022), ເອກະສານວັນສ້າງຕັ້ງແນວລາວສ້າງຊາດ ຄົບຮອບ 72 ປີ(13/08/1950-13/08/2022 ), ເອກະສານວັນສ້າງຕັ້ງອາຊຽນ ຄົບຮອບ 55 ປີ (08/ 08/1967 - 08/08/2022 ) ແລະ ວັນລັດຖະທຳມະນູນແຫ່ງ ສປປ ລາວ ຄົບຮອບ 31 ປີ (15/08/1991 - 15/08/2022 ).

• < ຕໍ່ໄປ
• ຕໍ່ໄປ >