ີຮອງຫົວໜ້າຄະນະໂຄສະນາອົບຮົມແຂວງ ເຄື່ອນໄຫວເຊື່ອມຊຶມ, ໂຄສະນາປາຖະກະຖາເອກະສານສໍາຄັນຂອງພັກ, ຂອງຊາດຢູ່ຂົງເຂດພະລັງງານ ແລະ ບໍ່ແຮ່ແຂວງ

ລາຍລະອຽດ

ສ້າງຂື້ນເມື່ອ ວັນຈັນ, 25 ເມສາ 2022 02:29

ຂຽນໂດຍ ptcps

ຮອງຫົວໜ້າຄະນະໂຄສະນາອົບຮົມແຂວງຈໍາປາສັກ ເຄື່ອນໄຫວເຊື່ອມຊຶມ, ໂຄສະນາປາຖະກະຖາເອກະສານສໍາຄັນຂອງພັກ, ຂອງຊາດ ໃຫ້ແກ່ພະນັກງານ, ສະມາຊິກພັກ ຂົງເຂດພະລັງງານ ແລະ ບໍ່ແຮ່ແຂວງ

ໃນວັນທີ 22 ເມສາ 2022, ​ສະຫາຍ ບົວສອນ ວົງຫາຈັກ ເລຂາໜ່ວຍພັກຮາກຖານ, ຮອງຫົວໜ້າຄະນະໂຄສະນາອົບຮົມແຂວງຈໍາປາສັກ, ໄດ້ລົງເຄື່ອນໄຫວເຊື່ອມຊຶມ ແລະ ໂຄສະນາປາຖະກະຖາເອກະສານສໍາຄັນ​ຕ່າງໆ​ ຂອງພັກແລະ​ ຂອງຊາດ​ ໃຫ້ແກ່ພະນັກງານ, ສະມາຊິກພັກໃນທົ່ວຂົງເຂດພະລັງງານ ແລະ ບໍ່ແຮ່ແຂວງຈໍາປາສັກ.

ເຊິ່ງພິທີດັ່ງກ່າວໄດ້ຈັດຂຶ້ນ​ທີ່ຫ້ອງປະຊຸມສະຖານີໄຟຟ້າບັງເຢາະ ນະຄອນປາກເຊ ແຂວງຈໍາປາສັກ, ໂດຍການເຂົ້າຮ່ວມຂອງ ສະຫາຍ ສີໄຊ ແກ້ວມີໄຊ ຮອງເລຂາຄະນະພັກຮາກຖານ, ຫົວໜ້າລັດວິສາຫະກິດໄຟຟ້າລາວສາຂາແຂວງຈຳປາສັກ, ມີຄະນະ​ໜ່ວຍພັກ​ຮາກຖານ, ສະມາຊິກພັກ, ພະນັກງານ -​ ລັດຖະກອນ ຈາກ 8 ໜ່ວຍພັກທີ່ຂຶ້ນກັບຄະນະພັກຮາກຖານ ພະແນກພະລັງງານ ແລະ ບໍ່ແຮ່ແຂວງ ເຂົ້າຮ່ວມທັງໝົດ 82 ສະຫາຍ, ຍິງ 18 ສະຫາຍ.

ເອກະສານທີ່ນໍາມາເຜີຍແຜ່ໃນຄັ້ງນີ້ມີ​: ມະຕິກອງປະຊຸມຄົບຄະນະ ຄັ້ງທີ 3 ສະໄໝທີ XI ຂອງພັກປະຊາຊົນປະຕິວັດລາວ, ມະຕິກອງປະຊຸມຄົບຄະນະ ຄັ້ງທີ 6 ສະໄໝທີ VIII ຂອງອົງຄະນະພັກແຂວງຈຳປາສັກ,​ ເອກະສານວັນສ້າງຕັ້ງພັກປະຊາຊົນ​ ປະຕິວັດລາວ ຄົບຮອບ 67 ປີ, ເອກະສານວັນຄຽດແຄ້ນຂອງປະຊາຊົນລາວ, ເອກະສານວັນນັກຮົບເສຍອົງຄະ ແລະ ເສຍສະຫຼະເພື່ອປະເທດຊາດ ຄົບຮອບ 76 ປີ.

• < ຕໍ່ໄປ
• ຕໍ່ໄປ >