ຄະນະໂຄສະນາອົບຮົມເມືອງໂຂງ ຈັດພິທີເປີດຊຸດຮຽນທິດສະດີການເມືອງ-ການປົກຄອງຊັ້ນຕົ້ນ ຊຸດທີ XIII ປະຈໍາປີ 2022

ລາຍລະອຽດ

ສ້າງຂື້ນເມື່ອ ວັນຈັນ, 21 ມີນາ 2022 05:29

ຂຽນໂດຍ ptcps

"ເມືອງໂຂງຈັດພິທີເປີດຊຸດຮຽນທິດສະດີການເມືອງ-ການປົກຄອງ ລະບົບຊັ້ນຕົ້ນ ຊຸດທີ XIII ປະຈໍາປີ 2022"

ໃນວັນທີ 21 ມີນາ 2022 ຄະນະໂຄສະນາອົບຮົມເມືອງໂຂງຈັດພິທີເປີດຊຸດຮຽນທິດສະດີການເມືອງ-ການປົກຄອງ ລະບົບຊັ້ນຕົ້ນ ຊຸດທີ XIII ປະຈໍາປີ 2022 ຂຶ້ນທີ່ສະມາສອນຂອງເມືອງ ພາຍໃຕ້ການເປັນປະທານຮ່ວມຂອງ ທ່ານ ພູວັນ ສີສຸພົນ ຮອງເລຂາພັກເມືອງຜູ້ຊີ້ນໍາວຽກງານການເມືອງແນວຄິດ. ທ່ານ ບຸນປັນ ມະຫາລາດ ຮອງຫົວໜ້າຄະນະໂຄສະນາອົບຮົມແຂວງຈໍປາສັກ. ທ່ານ ສີປະທຸມມາ ຈັນພອນເພັດ ຫົວໜ້າ ໂຮງຮຽນທິດສະດີການເມືອງ-ການປົກຄອງແຂວງ;

 ເຂົ້າຮ່ວມມີບັນດາທ່ານໃນຄະນະຫ້ອງການ, ພະນັກງານພາຍໃນໂຄສະນາອົບຮົມເມືອງ, ຄູອາຈານທີ່ຖືກແຕ່ງຕັ້ງ ພ້ອມນັກສໍາມະນາກອນເຂົ້າຮ່ວມຢ່າງພ້ອມພຽງ; ພາຍຫັຼງພິທີໄຂຂຶ້ນ ທ່ານ ນາງ ຈັນສຸກ ໜູທອງ ຮອງຫົວໜ້າຄະນະໂຄສະນາອົບຮົມເມືອງໃຫ້ກຽດຂຶ້ນຜ່ານມະຕິຕົກລົງຂອງຄະນະປະຈໍາພັກເມືອງ ສະບັບເລກທີ 034/ຄຈພມຂ ວ່າດ້ວຍການແຕ່ງຕັ້ງບັນດາສະຫາຍການນໍາຂັ້ນເມືອງ, ຄະນະຫ້ອງການພະນັກງານວິຊາການເປັນຄູສອນມີທັງໝົດ 23 ສະຫາຍ ຍິງ 03 ສະຫາຍ, ມະຕິເລກທີ 035/ຄຈພມ ວ່າດວຍການແຕ່ງຕັ້ງຄະນະຮັບຜິດ ຊອບຊຸດຮຽນ, ມະຕິເລກທີ 036/ຄຈພມ ວ່າດ້ວຍວ່າດ້ວຍການອະນຸມັດເປົ້າໝາຍເຂົ້າຮຽນທິດສະດກີການເມືອງ-ການປົກຄອງ ຊຸດທີ 13 ປີ 2022. ພ້ອມນີ້ໃນພິທີຍັງໄດ້ຮັບຟັງການຜ່ານຮ່າງກົດລະບຽບຊົ່ວຄາວຂອງສູນຝຶກອົບຮົມ ແລະ ຕອນທ້າຍພິທີ ທ່ານປະທານຍັງໄດ້ຜັດປ່ຽນກັນມີຄໍາເຫັນຊີ້ນໍາຕໍ່ນັກສໍາມະນາກອນຊຸດນີ້ອີກດ້ວຍ.                                                                           

• < ຕໍ່ໄປ
• ຕໍ່ໄປ >