ຄະນະໂຄສະນາອົບຮົມແຂວງຈຳປາສັກ ເປີດຊຸດຝຶກອົບຮົມໃຫ້ມະຫາຊົນກ້າວຫນ້າທີ່ເປັນເປົ້າຫມາຍຈະຂະຫຍາຍເຂົ້າພັກ ຊຸດທີ V ຂອງປີ 2020

ລາຍລະອຽດ

ສ້າງຂື້ນເມື່ອ ວັນພະຫັດ, 12 ພະຈິກ 2020 06:32

ຂຽນໂດຍ champasak

ຄະນະໂຄສະນາອົບຮົມແຂວງຈຳປາສັກ ເປີດຊຸດຝຶກອົບຮົມໃຫ້ມະຫາຊົນກ້າວຫນ້າທີ່ເປັນເປົ້າຫມາຍຈະຂະຫຍາຍເຂົ້າພັກ ຊຸດທີ V ຂອງປີ 2020

ພິທີເປີດຊຸດຝຶກອົບຮົມໄດ້ຈັດຂື້ນ ໃນຕອນເຊົ້າຂອງວັນທີ 12 ພະຈິກ 2020 ທີ່ຫ້ອງປະຊຸມຂອງຫ້ອງປະຊຸມວິທະຍາໄລກະສິກຳ ແລະ ປ່າໄມ້ແຂວງຈຳປາສັກ. ເຊິ່ງໃຫ້ກຽດເປັນປະທານ

ຂອງສະຫາຍ ສົມສີ ມະນີນິນ ກຳມະການພັກແຂວງ, ຫົວຫນ້າຄະນະໂຄສະນາອົບຮົມແຂວງຈຳປາສັກ. ຊຸດອົບຮົມເປົ້າຫມາຍຂະຫຍາຍເຂົ້າພັກຊຸດທີ V ນີ້ມີມະຫາຊົນກ້າວໜ້າເຂົ້າຮ່ວມທັງໝົດ ຈຳນວນ 45 ສະຫາຍ,​ ຍິງ 23 ສະຫາຍ ເຊິ່ງມາຈາກ 5 ຄະນະພັກຮາກຖານ ແລະ 4 ໜ່ວຍພັກຮາກຖານອ້ອມຂ້າງແຂວງ.

ການຝຶກອົບຮົມຈະໃຊ້ເວລາ 2 ວັນ (12-13 ພະຈິກ 2020) ເຊິ່ງຈະໄດ້ພ້ອມກັນຄົ້ນຄວ້າຮ່ຳຮຽນ 11 ຄຳຖາມ-ຄຳຕອບ ແລະ ຈະມີການແກ້ໄຂຂໍ້ຂ້ອງໃຈຕ່າງໆຂອງນັກສຳມະນາກອນໃນຕອນທ້າຍຂອງການຝຶກອົບຮົມ. ຫຼັງຈາກນັ້ນ, ກໍ່ຈະມີພິທີປິດພ້ອມທັງມອບໃບຢັ້ງຢືນ.

• < ຕໍ່ໄປ