ຊົມເຊີຍວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 47 ປີ ຢ່າງສຸດໃຈ! ປະທານ ໄກສອນ ພົມວິຫານ ຍືນຍົງ ໃນພາລະກິດປະຕິວັດ ຂອງພັກປະຊາຊົນປະຕິວັດລາວ

ຄະນະໂຄສະນາອົບຮົມແຂວງຈຳປາສັກ ໄດ້ເຂົ້າຮ່ວມກອງປະຊຸມທາງໄກ ລະຫ່ວາງ ກົມຂໍ້ມູນຂ່າວສານ ຄະນະໂຄສະນາສູນກາງພັກ ແລະ ຄະນະໂຄສະນາອົບຮົມແຂວງ ໃນທົ່ວປະເທດ

ຄະນະໂຄສະນາອົບຮົມແຂວງຈຳປາສັກ ໄດ້ເຂົ້າຮ່ວມກອງປະຊຸມທາງໄກ ລະຫ່ວາງ ກົມຂໍ້ມູນຂ່າວສານ ຄະນະໂຄສະນາສູນກາງພັກ ແລະ ຄະນະໂຄສະນາອົບຮົມແຂວງ ໃນທົ່ວປະເທດ

        ໃນຕອນເຊົ້າ ຂອງວັນທີ 01 ພະຈິກ 2022 ຂະແໜງຂໍ້ມູນຂ່າວສານ ຄະນະໂຄສະນາອົບຮົມແຂວງຈຳປາສັກ ໄດ້ເຂົ້າຮ່ວມກອງປະຊຸມທາງໄກ ລະຫ່ວາງ ກົມຂໍ້ມູນຂ່າວສານຄະນະໂຄສະນາສູນກາງພັກ ແລະ ຄະນະໂຄສະນາອົບຮົມແຂວງ ທົ່ວປະເທດ. ພາຍໃຕ້ການໃຫ້ກຽດເປັນປະທານ ຂອງທ່ານ ວັນຕຸລາ ລັກນຸດ ກຳມະການພັກ ຫົວໜ້າກົມຂໍ້ມູນຂ່າວສານ ຄະນະໂຄສະນາສູນກາງພັກ, ໂດຍມີບັນດາທ່ານ ຮອງຫົວໜ້າຄະນະໂຄສະນາອົບຮົມແຂວງ, ບັນດາທ່ານຜູ້ຮັບຜິດຊອບວຽກງານເວັບໄຊ ຂອງຄະນະໂຄສະນາອົບຮົມແຂວງ ໃນທົ່ວປະເທດ ເຂົ້າຮ່ວມ.

         ສໍາລັບຄະນະໂຄສະນາອົບຮົມ ແຂວງຈໍາປາສັກ ນຳໂດຍ ທ່ານ ປອ ວັນນະລາ ສຸດທິຈັກ ຮອງຫົວໜ້າຄະນະໂຄສະນາອົບຮົມແຂວງ ຜູ້ຊີ້ນໍາວຽກງານຂໍ້ມູນຂ່າວສານ, ທ່ານ ດໍຣາ ສີສົມບູນ ຮັກສາການຫົວໜ້າຂະແໜງຂໍ້ມູນຂ່າວສານ, ທ່ານ ເດດດາວັນ ກ້ອນຄໍາມະວົງ ຮອງຫົວ ໜ້າຂະແໜງ ພ້ອມດ້ວຍພະນັກງານພາຍໃນຂະແໜງ ເຂົ້າຮ່ວມ.      

      ກອງປະຊຸມດັ່ງກ່າວ ແມ່ນການສ່ອງແສງລາຍງານສະພາບການຈັດຕັ້ງປະຕິບັດວຽກງານໂຄ ສະນາຜ່ານສື່ເອເລັກໂຕຼນິກ (ເວັບໄຊ) ໃນໄລຍະຜ່ານມາ ຂອງຄະນະໂຄສະນາອົບຮົມແຂວງ  ໃນທົ່ວປະເທດ ຕໍ່ກົມຂໍ້ມູນຂ່າວສານ ຄະນະໂຄສະນາອົບຮົມສູນກາງພັກ; ເຊິ່ງຊີ້ໃຫ້ເຫັນຜົນສຳເລັດ, ຂໍ້ສະດວກ, ຂໍ້ຫຍຸ້ງຍາກ ແລະ ທິດທາງແຜນການໃນການຈັດຕັ້ງປະຕິບັດວຽກງານໃນຕໍ່ໜ້າ. ໂດຍບັນບັນດາທ່ານ ຮອງຫົວໜ້າຄະນະໂຄສະນາອົບຮົມ, ບັນດາທ່ານຜູ້ຮັບຜິດຊອບວຽກງານເວັບໄຊ ຂອງຄະນະໂຄສະນາອົບຮົມແຂວງ ໃນທົ່ວປະເທດ ໄດ້ຜັດປ່ຽນກັນຂຶ້ນລາຍງານ ຕາມການບົງຕົວຂອງປະທານກອງປະຊຸມ ໂດຍເລີ່ມຈາກແຂວງພາກເໜືອລົງມາຫາແຂວງພາກໃຕ້.

        ໃນຕອນທ້າຍຂອງກອງປະຊຸມ ທ່ານ ວັນຕຸລາ ຣັກນຸດ ກຳມະການພັກ ຫົວໜ້າກົມຂໍ້ມູນຂ່າວສານ ຄະນະໂຄສະນາສູນກາງພັກ ປະທານກອງປະຊຸມ, ໄດ້ສະແດງຄວາມຊົມເຊີຍຕໍ່ຄະນະພັກ ແລະ ຜູ້ຮັບຜິດຊອບເວັບໄຊ ຂອງຄະນະໂຄສະນາອົບຮົມແຂວງ ໃນທົ່ວປະເທດ ທີ່ໄດ້ເອົາໃຈໃສ່ຈັດຕັ້ງປະຕິບັດວຽກງານໂຄສະນາຜ່ານສື່ເອເລັກໂຕຣນິກ (ເວັບໄຊ) ຂອງຕົນໃນໄລຍະຜ່ານມາ ດ້ວຍຄວາມຮັບຜິດຊອບສູງ ແລະ ມີຜົນສໍາເລັດ ແລະ ເພື່ອສືບຕໍ່ເຮັດໃຫ້ຈັດຕັ້ງປະຕິບັດວຽກງານໂຄສະນາຜ່ານສື່ເອເລັກໂຕຣນິກ (ເວັບໄຊ) ໄດ້ມີຜົນສໍາເລັດສູງຂຶ້ນກວ່າເກົ່າ, ມີຄວາມທັນສະໄໝ ວ່ອງໄວ ແລະ ທັນຕໍ່ສະພາບການ ທ່ານກໍໄດ້ເນັ້ນໜັກບາງບັນຫາ ດັ່ງນີ້:

        1. ຮຽກຮ້ອງໃຫ້ຄະນະພັກ-ຄະນະໂຄສະນາອົບຮົມແຂວງ ແລະ ຜູ້ຮັບຜິດຊອບວຽກງານເວັບໄຊ ໄດ້ເອົາໃຈໃສ່ເພີ່ມທະວີຄວາມຮັບຜິດ ຊອບຂອງຕົນ ຊີ້ນໍາ-ຈັດຕັ້ງປະຕິບັດວຽກງານຈັດຕັ້ງປະຕິ ບັດວຽກງານໂຄສະນາຜ່ານສື່ເອເລັກໂຕຣນິກ (ເວັບໄຊ) ໃຫ້ມີຜົນສໍາເລັດຫຼາຍລື່ນເກົ່າ.

        2. ເພີ່ມທະວີການພົວພັນ ແລະ ລາຍງານສະພາບການ, ບັນຫາ ທີ່ເກີດຂຶ້ນກັບລະບົບເວັບໄຊຂອງຕົນ ຕໍ່ກົມຂໍ້ມູນຂ່າວສານ ຄະນະໂຄສະນາອົບຮົມສູນກາງພັກ ໃຫ້ວ່ອງໄວ ແລະ ເປັນປະຈໍາຕໍ່ເນື່ອງ ເພື່ອແກ້ໄຂຢ່າງທ່ວງທັນ.

        3. ຜູ້ຮັບຜິດຊອບວຽກງານເວັບໄຊ ຕ້ອງເອົາໃຈໃສ່ຕັ້ງໜ້າຄົ້ນຄວ້າ, ເກັບກໍາເອົາບັນດາທິດສະດີ, ມະຕິ, ຄໍາສັ່ງ, ແນວທາງ, ແຜນນະໂຍບາຍຂອງພັກ-ລັດ ກໍຄື ການເຄື່ອນໄຫວຂອງຄະນະພັກຂັ້ນຕົນ, ໂດຍສະເພາະຄະນະພັກ ຜູ້ຊີ້ນໍາວຽກງານການເມືອງ-ແນວຄິດ ມາໂຄສະນາເຜີຍແຜ່ໃຫ້ແກ່ສັງຄົມ.

        4. ເອົາໃຈໃສ່ປັບປຸງເນື້ອໃນຂ່າວ ໃຫ້ມີຄວາມອຸດົມສົມບູນ, ຖືກຕ້ອງຕາມແນວທາງຂອງພັກ, ປັບປຸງບັນດາຂໍ້ມູນ, ເຕັກນິກຕ່າງໆຂອງເວັບໄຊຕົນ ໃຫ້ມີຄວາມສວຍງາມ ແລະ ທັນສະໄໝ.

 

ຊົມເຊີຍວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 45 ປີ

ວີດີໂອ....

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195

ລົດກູ້ໄພ:       1623
ໄຟຟ້າ:         1199
ນໍ້າປະປາ:      1169

ສະຖິຕິຜູ້ເຂົ້າຊົມ:

137871
ມື້ນີ້ມື້ນີ້35
ມື້ວານນີ້ມື້ວານນີ້184
ອາທິດນີ້ອາທິດນີ້178
ເດືອນນີ້ເດືອນນີ້989
ທັງໝົດທັງໝົດ137871

ບົດຄວາມທີ່ໄດ້ຮັບຄວາມສົນໃຈ

ສາລະໜ້າຮູ້

ກິດຈະກຳ