ຊົມເຊີຍວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 47 ປີ ຢ່າງສຸດໃຈ! ປະທານ ໄກສອນ ພົມວິຫານ ຍືນຍົງ ໃນພາລະກິດປະຕິວັດ ຂອງພັກປະຊາຊົນປະຕິວັດລາວ

ຄະນະໂຄສະນາອົບຮົມແຂວງຈໍາປາສັກ ຈັດຊຸດຝຶກອົບຮົມຄວາມຮູ້ພື້ນຖານກ່ຽວກັບວຽກງານໂຄສະນາອົບຮົມ

ຄະນະໂຄສະນາອົບຮົມແຂວງຈໍາປາສັກ ຈັດຊຸດຝຶກອົບຮົມຄວາມຮູ້ພື້ນຖານກ່ຽວກັບວຽກງານໂຄສະນາອົບຮົມ

     ໃນລະຫວ່າງວັນທີ 7-9 ກັນຍາ 2022 ຄະນະໂຄສະນາອົບຮົມແຂວງ ໄດ້ຈັດຊຸດຝຶກອົບຮົມຄວາມຮູ້ພື້ນຖານກ່ຽວກັບວຽກງານໂຄສະນາອົບຮົມ ໃຫ້ແກ່ພະນັກງານຄະນະໂຄສະນາອົບຮົມແຂວງ, ໂຄສະນາອົບຮົມນະຄອນ ແລະ 9 ເມືອງ ຂຶ້ນຢູ່ທີ່ຫ້ອງປະຊຸມ 406 ຂອງສຳນັກງານແຂວງຈໍາປາສັກ. ພາຍໃຕ້ການໃຫ້ກຽດເປັນປະທານ ຂອງທ່ານ ປອ ສຸປານີ ສີລິປຸນໂຍ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ; ໂດຍມີ ທ່ານ ບົວສອນ ວົງຫາຈັກ ເລຂາໜ່ວຍພັກຮາກຖານ ຮອງຫົວໜ້າຄະນະໂຄສະນາອົບຮົມແຂວງ ພ້ອມພະນັກງານ-ລັດຖະກອນ ຄະນະໂຄສະນາອົບຮົມແຂວງທັງໝົດ, ບັນດາທ່ານຫົວໜ້າ, ຮອງຫົວຫນ້າ, ຫົວໜ້າໜ່ວຍງານຂອງຄະນະໂຄສະນາອົບຮົມນະຄອນ-9 ເມືອງເຂົ້າຮ່ວມ ລວມທັງໝົດຈໍານວນ 49 ທ່ານ, ຍິງ 26 ທ່ານ.

       ໃນພິທີ ທ່ານ ປອ ສຸປານີ ສີລິປຸນໂຍ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ ໄດ້ມີຄໍາເຫັນໂອລົມ ແລະ ກ່າວເປີດຊຸດອົບຮົມໃນຄັ້ງນີ້ ເຊິ່ງທີ່ໄດ້ກ່າວວ່າ: ມື້ນີ້, ແມ່ນມື້ທີ່ມີຄວາມໝາຍຄວາມສໍາຄັນອີກຄັ້ງໜຶ່ງ ໂດຍປະຕິບັດຕາມການຕົກລົງເຫັນດີເປັນເອກະ ພາບຂອງຄະນະພັກ-ຄະນະໂຄສະນາອົບຮົມແຂວງ ໄດ້ພ້ອມກັນເປີດຊຸມບັ້ນຝຶກອົບຮົມຄວາມຮູ້ພື້ນຖານວຽກງານໂຄສະນາອົບຮົມ ປະຈໍາປີ 2022 ຂຶ້ນ, ວຽກງານໂຄສະນາອົບຮົມ ແມ່ນວຽກງານໜຶ່ງທີ່ນອນໃນວຽກງານການເມືອງ-ແນວຄິດ ເຊິ່ງເປັນວຽກງານແຖວໜ້າໄດ້ສອດຫ້ອຍເຂົ້າໃນທຸກຂົງເຂດວຽກງານ ແລະ ໄປພ້ອມກັບຂະບວນການຕ່າງໆ ໂດຍເລັ່ງໃສ່ໂຄສະນາສຶກສາອົບຮົມໃຫ້ບັນດາເປົ້າ ໝາຍ ຮັບຮູ້ ແລະ ເຂົ້າໃຈມີຄວາມຕື່ນຕົວເປັນເຈົ້າການໃນການຈັດຕັ້ງປະຕິບັດໜ້າທີ່ວຽກງານຂອງຕົນ ໃຫ້ສຳເລັດຜົນຕາມກຳນົດໝາຍ.

     ເຖິງວ່າຜ່ານມາສະພາບການຂອງໂລກ ແລະ ພາກພື້ນ ຍັງຜັນປ່ຽນຢ່າງສັບສົນ, ສະຫຼັບສັບຊ້ອນ ແລະ ຄາດຄະເນໄດ້ຍາກ; ປະຊາຄົມໂລກໄດ້ປະເຊີນກັບຄວາມທ້າທາຍຫຼາຍປະການ ເປັນຕົ້ນແມ່ນຂໍ້ຂັດແຍ່ງການປ່ຽນແປງນະໂຍບາຍທາງດ້ານເສດຖະກິດ-ການຄ້າ ທີ່ເຄັ່ງຕຶງ; ການຂັດແຍ່ງທາງດ້ານຍຸດ ທະສາດ, ການຊ່ວງຊິງອໍານາດອິດທິພົນ; ການປ່ຽນແປງນະໂຍບາຍ ຂອງປະເທດມະຫາອໍານາດ; ການຊັ່ງຊາກໍາລັງໃນໂລກ ແລະ ອື່ນໆ...  ພະຍາດລະບາດ, ໄຟແຫ້ງແລ້ງ ແລະ ນໍ້າຖ້ວມ; ບັນຫາຢາເສບຕິດ, ອຸປະຕິເຫດຕາມທ້ອງຖະໜົນ; ບັນຫາໜີ້ສິນສາທາລະນະ; ການລະເມີດກົດໝາຍ; ລະບຽບການຕ່າງໆ ການສໍ້ລາດບັງຫຼວງ ແລະ ປະກົດການຫຍໍ້ໍ້ອື່ນໆ  ທີ່ເກີດຂື້ນຢ່າງແຜ່ຫຼາຍ ບວກກັບກົນອຸບາຍຫັນປ່ຽນໂດຍສັນຕິ ຂອງອິດທິກໍາລັງປໍລະປັກ ເຊິ່ງໄດ້ສົ່ງຜົນກະທົບໃນທາງລົບຕໍ່ແນວຄິດຂອງພະນັກງານ, ສະມາຊິກພັກ ແລະ ປະຊາຊົນບັນດາເຜົ່າພວກເຮົາຈໍານວນບໍ່ໜ້ອຍ ສິ່ງເລົ່ານີ້ໄດ້ກະທົບຕໍ່ວຽກງານການເມືອງ-ແນວຄິດ ເວົ້າລວມ, ການເຄື່ອນໄຫວວຽກງານໂຄສະນາອົບຮົມ ເວົ້າສະເພາະ ແມ່ນເປັນສິ່ງທີ່ທ້າທາຍໃຫຍ່ຫຼວງ ໃນການຈັດຕັງຜັນຂະຫຍາຍວຽກ ງານໂຄສະນາອົບຮົມຂອງພວກເຮົາ. ແຕ່ໃນໄລຍະຜ່ານມາ ພວກເຮົາກໍສາມາດຍາດໄດ້ໄຊຊະນະຫຼາຍດ້ານຂອງວຽກງານໂຄສະນາອົບຮົມ.  ບົນພື້ນຖານການກໍາແໜ້ນເນຶ້ອໃນກອງປະຊຸມໃຫຍ່ ຄັ້ງທີ XI ຂອງພັກ,  ມະຕິ 206 ຂອງກົມການເມືອງສູນກາງພັກ  ວ່າດ້ວຍທິດທາງ ແລະ ໜ້າທີ່ຕົ້ນຕໍ ວຽກງານການເມືອງ-ແນວຄິດ ໃນໄລຍະໃໝ່, ຄະນະພັກ, ອົງການປົກຄອງຂັ້ນຕ່າງໆ ກໍເຫັນໄດ້ຄວາມສໍາຄັນ ແລະ ເອົາໃຈໃສ່ເຮັດວຽກງານການເມືອງ-ແນວຄິດ, ຄະນະໂຄສະນາອົບຮົມແຕ່ລະຂັ້ນ ໄດ້ເປັນເຈົ້າການດໍາເນີນວຽກງານໂຄສະນາອົບຮົມທາງເລິກ ແລະ ທາງກວ້າງດ້ວຍຫຼາຍຮູບການ, ຫຼາຍລະດັບຢ່າງຕັ້ງໜ້າ ຊຶ່ງຍາດໄດ້ຜົນສໍາເລັດອັນສໍາຄັນໃນຫຼາຍດ້ານ,  ປະກອບສ່ວນໃຫຍ່ຫຼວງເຂົ້າໃນຜົນງານລວມຂອງແຂວງ.

    ເພື່ອເຮັດໃຫ້ວຽກງານໂຄສະນາອົບຮົມໄດ້ດໍາເນີນໄປຢ່າງຖືກຕ້ອງຕາມແນວທາງຂອງພັກ ແລະ ມີໝາກຜົນຜົນງານສູງຂຶ້ນກວ່າເກົ່າ; ພ້ອມທັງແກ້ໄຂຂໍ້ຄົງຄ້າງໃຫ້ໝົດໄປ. ດັ່ງນັ້ນ, ຊຸດຝຶກອົບຮົມຄວາມຮູ້ພື້ນຖານວຽກງານໂຄສະນາອົບຮົມໃນຄັ້ງນີ້ ຈັດຂຶ້ນເພື່ອເປັນການສຶກສາອົບຮົມໃຫ້ພະນັກງານຂອງໂຄສະນາອົບຮົມໃນທົ່ວແຂວງ ໄດ້ຮັບຮູ້ ກໍາແໜ້ນ ພາລະບົດບາດ, ສິດໜ້າທີ່, ຄວາມໝາຍຄວາມສໍາຄັນ ແລະ ຄວາມຊໍານິຊໍານານໃນວຽກງານວິຊາສະເພາະຂອງຕົນ; ເຊິ່ງການອົບຮົມຄັ້ງນີ້ດຳເນີນໄປເປັນເວລາ 3 ວັນ ແລະ ນໍາໃຊ້ເນື້ອໃນເອກະສານຈາກຄະນະໂຄສະນາອົບຮົມສູນກາງພັກ ຈໍານວນ 11 ບົດ ແລະ ຖືເອົາການບັນຍາຍເອກະສານເປັນພື້ນຖານ, ເອົາການຄົ້ນຄວ້າ, ສົນທະນາແລກ ປ່ຽນບົດຮຽນເຊິ່ງກັນ ແລະກັນພາຍໃນຈຸໜ່ວຍເປັນອັນຕົ້ນຕໍ ເພື່ອຊອກຫາອັນໄດ້ຕັ້ງໜ້າ, ອັນໃດບົກຜ່ອງ ເພື່ອຈະໄດ້ນຳໄປປັບປຸງແກ້ໄຂໃຫ້ມີທ່ວງທ່າທີ່ດີຂຶ້ນກວ່າເກົ່າ ໃນການຈັດຕັ້ງປະຕິບັດຂັ້ນຕໍ່ໄປ. 

     ມາຮອດວັນທີ 9 ກັນຍາ 2022 ຊຸດຝຶກອົບຮົມຄວາມຮູ້ພື້ນຖານກ່ຽວກັບວຽກງານໂຄສະນາອົບຮົມ ກໍໄດ້ຈັດຂຶ້ນ, ເຊິ່ງໃນພິທີ ທ່ານ ປອ ສຸປານີ ສີລິປຸນໂຍ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ ໄດ້ໃຫ້ກຽດມອບໃບຢັ້ງຢືນໃຫ້ແກ່ນັກສໍາມະ ນາກອນທີ່ໄດ້ເຂົ້າຮັບການຝຶກອົບຮົມ ແລະ ມີຄໍາເຫັນກ່າວປິດຊຸດອົບຮົມຢ່າງເປັນທາງການ; ເຊິ່ງທ່ານ ໄດ້ຊີ້ນໍາໃຫ້ພະນັກງານ-ລັດຖະກອນທີ່ໄດ້ຮັບການຝຶກອົບຮົມໃນຄັ້ງນີ້ ນໍາເອົາບົດຮຽນ ແລະ ທິດສະດີທີ່ໄດ້ຮຽນມາ ໄປນໍາໃຊ້ເຂົ້າການຈັດຕັ້ງປະຕິບັດວຽກງານວິຊາສະເພາະຂອງຕົນໃຫ້ມີຜົນສໍາເລັດຫຼາຍລື່ນເກົ່າ ເຮັດໃຫ້ວຽກງານໂຄສະນາອົບ ຮົມມີໃບໜ້າໃໝ່ ແລະ ສົມກັບຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໄໝ່, ພ້ອມນີ້ກໍໄດ້ມອບໝາຍໃຫ້ຄະນະໂຄສະນາອົບຮົມນະ ຄອນ-9 ເມືອງ ນໍາເອົາບົດຮຽນດັ່ງກ່າວໄປສຶກສາອົບຮົມໃຫ້ແກ່ພະນັກງານ-ລັດຖະກອນຂອງຕົນຢ່າງທົ່ວເຖິງ.

 

ຊົມເຊີຍວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 45 ປີ

ວີດີໂອ....

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195

ລົດກູ້ໄພ:       1623
ໄຟຟ້າ:         1199
ນໍ້າປະປາ:      1169

ສະຖິຕິຜູ້ເຂົ້າຊົມ:

127983
ມື້ນີ້ມື້ນີ້71
ມື້ວານນີ້ມື້ວານນີ້94
ອາທິດນີ້ອາທິດນີ້721
ເດືອນນີ້ເດືອນນີ້1487
ທັງໝົດທັງໝົດ127983

ບົດຄວາມທີ່ໄດ້ຮັບຄວາມສົນໃຈ

ສາລະໜ້າຮູ້

ກິດຈະກຳ