ຄະນະໂຄສະນາອົບຮົມແຂວງ ເຄື່ອນໄຫວເກັບກໍາຂໍ້ມູນເພື່ອປະກອບໃສ່ປຶ້ມປະຫວັດແຂວງຈໍາປາສັກ

ລາຍລະອຽດ

ສ້າງຂື້ນເມື່ອ ວັນອັງຄານ, 06 ກັນຍາ 2022 03:14

ຂຽນໂດຍ adminchanpasak

ຄະນະໂຄສະນາອົບຮົມແຂວງ ເຄື່ອນໄຫວເກັບກໍາຂໍ້ມູນເພື່ອປະກອບໃສ່ປຶ້ມປະຫວັດແຂວງຈໍາປາສັກ

     ໃນອາທິດທີ່ຜ່ານມາ(30 ສິງຫາ-5 ກັນຍາ 2022) ຄະນະໂຄສະນາອົບຮົມແຂວງ ໃນນາມຄະນະຮັບຜິດຊອບຄົ້ນຄວ້າ ຂຽນ ຮຽບຮຽງ ປະຫວັດແຂວງຈໍາປາສັກ ນໍາພາໂດຍ ທ່ານ ປອ ສຸປານີ ສິລິປຸນໂຍ ຄະນະປະຈໍາພັກແຂວງ ຫົວໜ້າຄະນະໂຄສະນາອົບຮົມແຂວງ, ທ່ານ ບົວສອນ ວົງຫາຈັກ ເລຂາໜ່ວຍພັກຮາກຖານ ຮອງຫົວໜ້າຄະນະໂຄສະນາອົບຮົມແຂວງ.

      ໄດ້ສົມທົບກັບພະແນກຖະແຫຼງຂ່າວ-ວັດທະນະທໍາ ແລະ ທ່ອງທ່ຽວແຂວງ ນໍາພາໂດຍ ທ່ານ ນາງ ແສງສຸວັນ ຊຸຍພະສິດ ກໍາມະການພັກແຂວງ ຫົວໜ້າພະແນກຖະແຫຼງຂ່າວ-ວັດທະນະທໍາ ແລະ ທ່ອງທ່ຽວແຂວງ ເຄື່ອນໄຫວລົງເກັບກໍາຂໍ້ມູນພາບມຸກສູງຂອງຕົວເມືອງ, ພາບພື້ນຖານການພັດທະນາເສດຖະກິດ-ສັງຄົມ ແລະ ສະຖານທີ່ສໍາຄັນທາງປະຫວັດ ສາດ ຂອງບັນດາເມືອງ-ນະຄອນ ໃນທົ່ວແຂວງຈໍາປາສັກ; ໂດຍນໍາໃຊ້ອຸປະກອນ (ໂດນ) ຂອງຂະແໜງຄຸ້ມຄອງມໍລະດົກໂລກວັດພູຈໍາປາສັກ ໃນການຖ່າຍພາບຄັ້ງນີ້.

       ການເຄື່ອນໄຫວໃນຄັ້ງນີ້ ແມ່ນເຄື່ອນໄຫວຕາມທິດຊີ້ນໍາຂອງ ທ່ານ ເຈົ້າແຂວງໆຈໍາປາສັກ ແລະ ເຄື່ອນໄຫວຕາມສິດ ພາລະບົດບາດ ຂອງຄະນະຮັບຜິດຊອບຄົ້ນຄວ້າ ຂຽນ ປະຫວັດຂັ້ນແຂວງ; ການເຄື່ອນໄຫວດັ່ງກ່າວ ໄດ້ເຄື່ອນໄຫວຕາມແຜນການ ແລະ ຂັ້ນຕອນ ໂດຍການເຂົ້າສົມ ທົບຮ່ວມກັບຄະນະພັກ-ຄະນະນໍາ ຂອງນະຄອນ ແລະ ບັນດາເມືອງ ເພື່ອຂໍອະນຸຍາດນໍາໃຊ້ໂດນຂຶ້ນຖ່າຍພາຍ ແລະ ວາງແຜນກໍານົດຈຸດຍຸທະສາດການພັດທະນາເສດຖະກິດ, ວັດທະນະທໍາ-ສັງຄົມ ທີ່ຈະເຄື່ອນໄຫວເກັບກໍາພາບ.

       ບັນດາຮູບພາບດັ່ງກ່າວ ແມ່ນຈະນໍາມາປະກອບໃສໃນເນື້ອໃນປຶ້ມປະຫວັດແຂວງຈໍາປາສັກ ໃນພາກທີ່ V ເຊິ່ງເປັນພາກສຸດທ້າຍ ແລະ ເນື້ອໃນເວົ້າເຖິງໝາກຜົນຜົນງານໃນການສ້າງສາພັດທະນາແຂວງຈໍາປາສັກ ໂດຍສະເພາະໄລຍະແຫ່ງການນໍາພາຈັດຕັ້ງປະຕິບັດພາລະກິດປ່ຽນແປງ ໃໝ່ທີ່ມີຫຼັກການຂອງພັກ ປີ 1986 ຮອດປະຈຸບັນ.

• < ຕໍ່ໄປ
• ຕໍ່ໄປ >