ຄະນະໂຄສະນາອົບຮົມແຂວງ ປິດຊຸດຝຶກອົບຮົມເປົ້າໝາຍທີ່ຈະຂະຫຍາຍເຂົ້້າພັກ ຊຸດທີ III ປະຈຳປີ 2022

ຄະນະໂຄສະນາອົບຮົມແຂວງ ປິດຊຸດຝຶກອົບຮົມເປົ້າໝາຍທີ່ຈະຂະຫຍາຍເຂົ້້າພັກ ຊຸດທີ III ປະຈຳປີ  2022

    ໃນຕອນບ່າຍຂອງວັນທີ 5 ສິງຫາ 2022 ທີ່ຜ່ານມານີ້ ຄະນະໂຄສະນາອົບຮົມແຂວງ ໄດ້ຈັດພິທີປິດຊຸດຝຶກອົບຮົມເປົ້າໝາຍທີ່ຈະຂະຫຍາຍເຂົ້າເປັນສະມາຊິກພັກປະຊາຊົນປະຕິວັດລາວ ຢູ່ທີ່ຫ້ອງປະຊຸມອົງການກາແດງ ແຂວງຈຳປາສັກ. ພາຍໃຕ້ການໃຫ້ກຽດເປັນປະທານຂອງສະຫາຍ ບຸນປັນ ມະຫາລາດ ຮອງເລຂາໜ່ວຍພັກຮາກຖານ, ຮອງຫົວໜ້າຄະນະໂຄສະນາອົບຮົມແຂວງຈຳປາສັກ, ໂດຍມີຄະນະພັກຮາກຖານ, ຄະນະໜ່ວຍພັກຮາກຖານພະແນການ-ກົມກອງອ້ອມຂ້າງແຂວງ, ຄະນະຮັບຜິດຊອບຊຸດຝຶກອົບຮົມ ແລະ ມະຫາຊົນກ້າວໜ້າຈຳທີ່ເຂົ້າຮັບການຝຶກອົບຮົມໃນຄັ້ງນີ້ເຂົ້າຮ່ວມຢ່າງພ້ອມພຽງ.

     ໃນພິທີ ສະຫາຍ ຄໍາຜັ່ນ ວົງສັກສິດ ຮອງຫົວໜ້າຂະແໜງອົບຮົມ ໄດ້ຂຶ້ນຜ່ານບົດສະຫຼຸບການຈັດຕັ້ງປະຕິບັດຊຸດຝຶກອົບຮົມເປົ້າໝາຍໃນຄັ້ງນີ້, ພ້ອມທັງຜ່ານຂໍ້ຕົກລົງຂອງຫົວໜ້າຄະນະໂຄສະ ນາອົບຮົມແຂວງ ວ່າດ້ວຍການມອບໃບຢັ້ງຢືນໃຫ້ແກ່ເປົ້າໝາຍທີ່ຈະຂະຫຍາຍເຂົ້າເປັນສະມາ ຊິກພັກປະຊາຊົນປະຕິວັດລາວ ຊຸດທີ III ປະຈຳປີ 2022 ຈໍານວນ 39 ສະຫາຍ ຍິງ 18 ສະຫາຍ.

    ຫຼັງຈາກໄດ້ຮັບຟັງການຜ່ານບົດສະຫຼຸບຈາກຄະນະຮັບຜິດຊອບຊຸດຝຶກອົບຮົມແລ້ວ ສະຫາຍ ບຸນປັນ ມະຫາລາດ ປະທານພິທີ ກໍໄດ້ໃຫ້ກຽດມອບໃບຢັ້ງຢືນ ແລະ ມີຄໍາເຫັນໂອ້ລົມຕໍ່ມະຫາຊົນກ້າວໜ້າທີ່ໄດ້ສໍາເລັດການຝຶກອົບຮົມໃນຄັ້ງນີ້. ເຊິ່ງເພິ່ນໄດ້ກ່າວວ່າ: ຜົນສຳເລັດບັ້ນຝຶກອົບ ຮົມໃນຄັ້ງນີ້, ຍັງພຽງແຕ່ເປັນຜົນສຳເລັດໃນຂັ້ນຕົ້ນເທົ່ານັ້ນ ໜ້າທີ່ອັນໜັກໜ່ວງ ແຕ່ມີກຽດສະງ່າຂອງບັນດາສະຫາຍ ຍັງຕ້ອງໄດ້ໝູນໃຊ້ບົດຮຽນ-ທິດສະດີທີ່ໄດ້ຮຽນມາເຂົ້າໃນພາກພຶດຕິກຳໃຫ້ມີຜົນສຳເລັດທີ່ໃຫຍ່ຫຼວງ ແລະ ມີປະສິດທິຜົນສູງ, ສະນັ້ນ ຂ້າພະເຈົ້າຈິ່ງຢາກເນັ້ນໜັກບາງບັນຫາ ທີ່ຈະຕ້ອງໄດ້ສູ້ຊົນຈັດຕັ້ງປະຕິບັດໃນຕໍ່ໜ້າຄື:

    1. ພາຍຫຼັງສຳເລັດການຝຶກອົບຮົມແລ້ວ, ມອບໃຫ້ສະຫາຍຄະນະພັກຮາກຖານ, ໜ່ວຍພັກຮາກຖານ ຕິດຕາມ, ກວດກາບັນດາມະຫາຊົນຜູ້ກ້າວໜ້າໃນທຸກເງື່ອນໄຂ ແລະ ມະຫາຊົນ ພວກເຮົາຕ້ອງໄດ້ເອົາໃຈໃສ່, ບຸກບືນ ຝຶກຝົນ ຫຼໍ່ຫຼອມທົດສອບຕົນເອງຕື່ມອີກຊົ່ວໄລຍະໜຶ່ງ ເພື່ອກຽມເຂົ້າສະໄໝສຳຮອງ ພາຍຫຼັງໄດ້ເຂົ້າສະໄໝສຳຮອງແລ້ວກໍ່ຕ້ອງໄດ້ຝຶກຝົນຕື່ມອີກໄລຍະ ໜຶ່ງ ປີ ຈິ່ງໄດ້ເລື່ອນຂື້ນເປັນສະມາຊິພັກສົມບູນ, ໄລຍະນີ້ຖືວ່າເປັນໄລຍະແຫ່ງການທົດສອບຄວາມບຸກບືນ, ຄວາມຕັດສິນໃຈ ແລະ ຄວາມຮັບຜິດຊອບຂອງບັນດາສະຫາຍ ດັ່ງຄຳເວົ້າທີ່ວ່າ: ‘‘ບ່ອນໃດມີຄວາມມານະອົດທົນ, ພາກພຽນບ່ອນນັ້ນຍ່ອມມີຜົນສຳເລັດ ”.

    2. ໃນໄລຍະຝຶກຝົນຫຼໍ່ຫຼອມຕົນເອງນີ້ ພວກເຮົາຕ້ອງໄດ້ອອກແຮງເຊື່ອມຊຶມ ແລະ ກຳແໜ້ນແນວທາງແຜນນະໂຍບາຍຂອງພັກ - ລັດ ໃຫ້ເລິກເຊິ່ງ, ກຳໃຫ້ໄດ້ ອັນໃດແມ່ນຍຸດທະສາດ ແລະ ອັນໃດແມ່ນ ຍຸດໂທບາຍຂອງພັກ  ໂດຍສະເພາະ ກຳໃຫ້ໄດ້ເນື້ອໃນຈິດໃຈມະຕິ XI ຂອງພັກ ແລະ ມະຕິ VIII ຂອງອົງຄະນະພັກແຂວງຈໍາປາສັກ.

   3. ຕ້ອງໄດ້ເປັນແບບຢ່າງນຳໜ້າ, ເປັນເຈົ້າການໃນທຸກໆ ດ້ານໃຫ້ແກ່ມະຫາຊົນທົ່ວໄປ ໂດຍສະເພາະ ບັນຫາຄຸນທາດການເມືອງ, ຄຸນສົມບັດສິນທຳປະຕິວັດ ແລະ ດ້ານແບບແຜນວິທີເຮັດວຽກ, ແບບແຜນການດໍາລົງຊິວິດທີ່ປອດໃສ ເພື່ອເຮັດໃຫ້ຖານະບົດບາດຂອງຕົນກໍ່ຄືການ ຈັດຕັ້ງພັກ ນັບມື້ນັບສູງຂື້ນ ໃຫ້ສົມກັບວ່າ:  ‘‘ ພັກເຮົາ ແມ່ນແກ່ນນຳໃນລະບົບການເມືອງ ເປັນຜູ້ຈັດຕັ້ງນຳພາທຸກໄຊຊະນະຂອງການປະຕິວັດລາວ ”.

ຊົມເຊີຍວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 45 ປີ

ວີດີໂອ....

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ສະຖິຕິຜູ້ເຂົ້າຊົມ:

115391
ມື້ນີ້ມື້ນີ້116
ມື້ວານນີ້ມື້ວານນີ້198
ອາທິດນີ້ອາທິດນີ້396
ເດືອນນີ້ເດືອນນີ້4175
ທັງໝົດທັງໝົດ115391

ບົດຄວາມທີ່ໄດ້ຮັບຄວາມສົນໃຈ

ສາລະໜ້າຮູ້

ກິດຈະກຳ