ແຂວງຈໍາປາສັກ ຈັດພິທີປາຖະກະຖາເລົ່າມູນເຊື້ອວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 67 ປີ

"ເນື່ອງໃນໂອກາດວັນສ້າງຕັ້ງພັກປະຊາຊົນປະຕິວັດລາວ ໝູນວຽນມາຄົບຮອບ 67 ປີ (22/03/1955 - 22/03/2022)".​       

    ວັນທີ 22 ມີນາ 2022, ແຂວງຈໍາປາສັກ ໂດຍເປັນເຈົ້າການຂອງຄະນະໂຄສະນາອົບຮົມແຂວງ ໄດ້ຈັດພິທີປາຖະກະຖາ​ວັນ​ສ້າງຕັ້ງ​ພັກ​ປະຊາຊົນ​ ປະຕິວັດລາວ​ ວັນທີ​ 22​ ມີນາ ຄົບຮອບ 67 ປີ​ຂຶ້ນ​ຢູ່ສະໂມສອນແຂວງ​ ພາຍໃຕ້​ການໃຫ້ກຽດເຂົ້າຮ່ວມເປັນປະທານ ແລະ​ ບັນລະຍາຍເອກະສານຂອງ​ ທ່ານ​ ປອ.​ ວິໄລວົງ​ ບຸດ​ດາ​ຄໍາ​ ກໍາມະການ​ສູນກາງ​ພັກ​ ເລຂາ​ພັກ​ແຂວງ​ ເຈົ້າແຂວງ​ຈຳ​ປາ​ສັກ.​ ມີຮອງເລຂາພັກແຂວງ,​ ຄະນະ​ປະຈຳ​ພັກ​ແຂວງ,​ ກໍາມະການ​ພັກ​ແຂວງ,​ ການນໍາພະແນກການກົມກອງອ້ອມຂ້າງແຂວງ,​ ການນໍາ, ພະນັກງານນັກຮົບຖັນແຖວກໍາລັງປະກອບອາວຸດ,​ ການນໍາ 9 ເມືອງ,​ 1 ນະຄອນ​ ແລະ​ ພາກສ່ວນທີ່ກ່ຽວຂ້ອງ​ ເຂົ້າຮ່ວມ.​

   ເນື້ອໃນສໍາຄັນຂອງການປາຖະກະຖາ ທ່ານປະທານໄດ້ຍົກໃຫ້ເຫັນການກໍາເນີດຂອງພັກປະຊາຊົນ ປະຕິວັດລາວ​ ແລະ​ ຄວາມໝາຍສໍາຄັນຂອງການສ້າງຕັ້ງພັກ,​ ຍົກໃຫ້ເຫັນໂຄງການ​ການເມືອງທໍາອິດຂອງພັກ,​ ຜົນສໍາເລັດແຫ່ງການນໍາພາ -​ ຊີ້ນໍາຂອງພັກປະຊາຊົນ ປະຕິວັດລາວ​ ໃນແຕ່ລະໄລຍະ​ ນັບແຕ່ໄລຍະຕໍ່ສູ້ປົດປ່ອຍຊາດ​ -​ ປະຊາທິປະໄຕເຕີບໃຫຍ່​ ແລະ​ ມີໄຊ​ ແຕ່ປີ​ 1955 -​ 1975, ໄລຍະປົກປັກຮັກສາ ແລະ​ ສ້າງສາພັດທະນາປະເທດຊາດ,​ ໄລຍະໃນການຈັດຕັ້ງປະຕິບັດແນວທາງປ່ຽນແປງໃໝ່ ແຕ່ປີ 1986 ເຖິງປັດຈຸບັນ,​ ການພັດທະນາແຕ່ລະດ້ານ ໄດ້ຮັບການຈັດຕັ້ງປະຕິບັດຢ່າງແຂງແຮງ​ ແລະ​ ຍົກໃຫ້ເຫັນຜົນງານໃນການຈັດຕັ້ງປະຕິບັດແຜນພັດທະນາເສດຖະກິດ -​ ສັງຄົມ​ຂອງ ແຂວງ​ຈຳ​ປາ​ສັກ​ ໃນໄລຍະຜ່ານມາ ແລະ​ ທິດທາງເສີມຂະຫຍາຍມູນເຊື້ອຂອງພັກປະຊາຊົນ ປະຕິວັດລາວ​ ໃນຕໍ່ໜ້າ.​

  ໃນວັນ​ດຽວກັນ​ ການນໍາແຂວງຈໍາປາສັກ ນໍາ​ໂດຍ​ ທ່ານ​ ປອ.​ວິໄລວົງ​ ບຸດ​ດາ​ຄໍາ​ ກໍາມະການ​ສູນກາງ​ພັກ​ ເລຂາ​ພັກ​ແຂວງ​ ເຈົ້າແຂວງ​ຈຳ​ປາ​ສັກ​ ພ້ອມດ້ວຍຄະນະບໍລິຫານງານພັກແຂວງານ, ການນໍາຂົງເຂດການເມືອງ; ຂົງເຂດ ປກຊ - ປກສ; ຂົງເຂດເສດຖະກິດ; ຂົງເຂດວັດທະນະທໍາ​ - ສັງຄົມ; ຂົງເຂດຍຸຕິທໍາ,​ ນິຕິບັນຍັດ,​ ຕຸລາການ ຍັງໄດ້ເຂົ້າວາງພວງມາລາ​ ແລະ​ ກະຕ່າດອກໄມ້ ຕໍ່ໜ້າອະນຸສາວະລີນັກຮົບນິລະນາມ​ ແລະ​ ອະນຸສອນສະຖານ ປະທານໄກສອນ ພົມວິຫານ​ ຢູ່ເດີ່ນສະໝາມແດງ​ ນະຄອນປາກເຊ.​ ທັງນີ້​ ກໍ​ເພື່ອ​ສະແດງຄວາມກະຕັນຍູຮູ້ບຸນຄຸນ ຕໍ່ການນໍາ​ພັກ​ -​ ລັດ,​ ນັກຮົບນິລະນາມ ແລະ​ ຜູ້ຊົງຄຸນວຸດທິ​ ທີ່ໄດ້ເສຍສະຫຼະຊີວິດ,​ ເລືອດເນື້ອ ເພື່ອປະເທດຊາດ ແລະ​ ປະຊາຊົນ​ ໃນໄລຍະທີ່ຜ່ານມາ.

ຊົມເຊີຍວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 45 ປີ

ວີດີໂອ....

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ສະຖິຕິຜູ້ເຂົ້າຊົມ:

115400
ມື້ນີ້ມື້ນີ້125
ມື້ວານນີ້ມື້ວານນີ້198
ອາທິດນີ້ອາທິດນີ້405
ເດືອນນີ້ເດືອນນີ້4184
ທັງໝົດທັງໝົດ115400

ບົດຄວາມທີ່ໄດ້ຮັບຄວາມສົນໃຈ

ສາລະໜ້າຮູ້

ກິດຈະກຳ